بعد ان أثارت عملية إيقاف بائع الاكلة الخفيفة الشهير بمنطقة باب الخضراء حبيب البي استياء واسعا لدى المواطنين حيث عرف البائع بلذّة مأكولاته وخاصة دماثة اخلاقه.
تداولت صفحات رسمية في مواقع التواصل الاجتماعي فيسبوك اليوم تدوينة لحبيب البي يرد فيها على صفحات حركة النهضة و ائتلاف الكرامة الي ما خلوش حكاية او حدث ما ركبوش عليها و ما تاجروش بيها...
نص تدوينة :
ما راعنا إنو أنصار الفشل و الإنقلاب على الثورة و التحيل على الشعب التونسي ركبو على الحداث اما نحب نذكركم إنو في عهدكم تم قتل مواطن تونسي داخل الكشك متاعو.
الي صار معانا من توقيف على الخدمة و محظر و التزام كان تحت عنوان " انتصاب فوضوي " ... و نشكر كل من ساندنا و وقف معانا لكن احنا ديننا و اخلاقنا يمنعونا المظاهرات و اثارة الفوضى ... قال تعالى : أطيعوا الله وأطيعوا الرسول وأُولي الأمر منكم ... من غدوا ان شاء الله نهبط فيديو نبين فيه شنوا بش نعملو و نبشروكم اننا مواصلين في التقدم ان شاء الله # ما ناقفوا ان شاء الله الا ما نخليو بصمه باهيه في street food في تونس