الكرونيكور مختار الخلفاوي يهاجم رئيس الجمهورية.. كيفاش واحد كيفو ما عندو شي يقول طز في أمريكا هو و انصارو (فيديو)

صرح مختار الخلفاوي كرونيكور برنامج في 90 دقيقة على إي أف أم، اليوم الجمعة 1 أفريل 2022، من الاستهانة التونسية بالموقف الرسمي الأمريكي مما يحدث في تونس.

الفيديو :

↔

وقال الخلفاوي:” كان الزعيم العقيد معمر القذافي ربي يرحمو، يقول طز في أمريكا وهو عندو البترول والغاز، لكن الغريب إنو واحد يقول طز لأمريكا وهو ما عندو حتى شي وماد يدو يقول يا كريم متاع الله، 

هذاكا علاش الكلام أنو ما يحدث الآن من ردود فعل دولية على ما حدث في تونس والاستهانة بيه على أساس آش مدخلهم فينا آش مجيبهم، والدليل تلك الحضبة الفايسبوكية على صفحة السفارة الأمريكية..

 ياخي بربي السياسة اللي هي علم وخبرة وممارسة ولا حضبة وفيراج وهانا معاك ودز القدام وسير سير ونحنا وراك بالبندير، للأسف الخطاب السياسي عوض أن يرتقي بالوضع العام قاعد يطيح في المستوى وتحولنا إلى فيراجات لنصرة القائم بأمره مهما يكون لونو ومهما يكون الاسم متاعو نقلو دز القدام نحو مزيد التوريط لأنو هو قاعد يتورط”…