حـصري مـصدر امني يكشف حقيقة إيقاف الصحافي خليفة القاسمي / تستر على عون امن خائن و تعريض شعب و القوات الأمنية للخطر

بعد إيقاف الصحفي خليفة القاسمي تابع لإذاعة موزاييك يوم امس و ذلك بعد امتناعه عن الكشف عن مصادره بخصوص ما نشره من معلومات خطيرة… 

تداول نشطاء في مواقع التواصل الاجتماعي فيسبوك و صفحات رسمية خبر من مصادر أمني ان الحقيقة من إيقاف الصحافي باذاعة موزاييك المدعو خليفة القاسمي هي كالآتي :

↔

عنا فرقة مختصة عندها 7 سنين تخدم على عدة خلايا *** مشبوهة متصلين ببعضهم.. تضحيات، كبيرة قدموها و هذا موش مزية ضحاو بحياتهم الخاصة و بعائلاتهم و بذويهم، ماخذين ريسك كبير في اختراق هذه الجماعات ***،

 عايشين بيناتهم ينقلوا معاهم وسط ظروف قاسية جدا.. و هدفهم، تطهير البلاد. و توفير كل المعطيات الأمنية التي ستعجل في القضاء على هذه المجموعات و تقليم اذافرهم و تجفيف منابعهم . 

كانت هناك خليّة تخطط لعملية *** خطيرة جدا و كانت قد تزهق فيها مئات الأرواح في أهم المغازات الكبرى بجهة الساحل و كعملية استباقيّة للوحدات الأمنية المختصة المكلفة تقضي على الخلية و تفككها في كنف السريّة المطلقة.. ما راعهم إلا الخبر ينشر على مواقع التواصل الاجتماعي و زملائنا ولاو في خطر كبير و باقي الخلايا بدات تشك الي فعلا فما مندسين و وقعت لهم عملية اختراق و تفجير الخلية من الداخل . و تخربطت كل الأمور.. 

• 7 سنين خدمة و تضحية مشاو بآرتيكل متع صحافي معتوه فيبالو جاب الصيد من وذنو.. 

مشكلة الدولة مع الصحافي الجهبذ متع موزاييك إلي سرب الخبر مش هوا كشخص.. مشكلتها شكون سربلو خاطر قضى على تعب و شقاء رجال و عرّض حياتهم للخطر.. مشكلتها الأمني إلي خسارة فيه الكومبا و سنوات التدريب.. 

التشبث بحماية المصدر ماهيش مقدسة.. صحافي يترزى في خيط خير مانترزاو أحنا في بلاد باعها أمني مايسواش فرنك..

و نحب نوجه لكلام السيد رئيس الجمهورية قيس سعيد الي هناك من تسلل إلى أجهزة الدولة و يعمل لصالح أجهزة إستخباراتية اجنبية و من الضروري اليوم دحر المتسللين.