مفاجأة كبرى اثناء تعطل القطار بولاية نابل

تداول رواد مواقع التواصل الإجتماعي مقطع فيديو، وثّق تعطّل قطار في حي حشاد من معتمدية بوعرقوب من ولاية نابل، على الساعة الخامسة والنصف مساءً، كان قادمًا من ولاية صفاقس، وتواصل العطب إلى حين موعد الإفطار.

ولكن حصل ما لم يتوقعونه فقد هب اهالي بوعرقوب اليهم وحمل كل واحد منهم ما استطاع وقدّموا لهم الافطار وهي حركة نبيلة تعطينا فكرة تونسي لتونسسي رحمة، وان التونسي مهما حصل يبقى رحمة للتونسي.. 

• قصّة قصيرة عادية لكنّها جميلة … تلخّص في النهاية المعدن الأصيل للشعب التونسي

الفيديو :

 وقد كتب احد المسافرين ما يلي :

ربي يثبت اجركم ناس الكل🤲❤️❤️

بالرسمي يعجز اللسان عن التعبير 

آمس مع الخمسة و نص متاع العشية train يطيح panne في بوعرقوب تحديدا في حي حشاد و بلاصة فارغة و احنا الاذان باش يأذن و حتى حد فينا ما معاه حتى شربة ماء ، و راعنا الا انو أهالي القرية لي قدامنا جايين و جابين معاهم ستايك الماء و الياغورت و التمر و حتى مالقهاوي جابولنا ، 

العمدة جاء و وبقا معانا و حتى النساء جاو يحبو يهزونا نشقو فطرنا بحذاهم، الي تراو فيهم فالتصاور ولا واحد فيهم كان يعرف لاخر ، ملي خرجنا من صفاقس ولا واحد كل لاخر كل حد شاد كرسيه و ساكت ،

 بعد لكلنا ولينا صحاب و كلنا قسمنا الغصرة مع بعضنا ، بالرسمي باش تشوف الي التونسي للتونسي رحمة و الي شبابنا مش خايب و كي طيح بينا ما نلقاو كان بعضنا ، تحية لأهالي بو عرقوب حي حشاد❤️❤️❤️🥰👇